Pahayag sa Lig-ong Hiniusang Kusog sa Kabus Dakbayan (LIHUK) atol sa SONA 2013

Pahayag sa Lig-ong Hiniusang Kusog sa Kabus Dakbayan (LIHUK) atol sa SONA 2013

Anaa na sa tunga-tunga sa iyang termino ang pangatungdanan isip Presidente, nga ika-upat na sa iyang State of the Nation Address (SONA), dinhi iyang ipadayag ang nakab-ot nga mga kalambu-an particular na sa ekonomiya, apan sayod ang kadaghanan nga ang kalambuan sa ekonomiya wala naabot sa kinabag-ang katawhan ilabi na sa mga kabus. Ang gipanghambog na 7.8% na GDP growth na sinati laman sa mga dagkong negosyante, apan ang gabagang katawhan nagpabiling malisuron.

Sa iyang tulo na katuig sa iyang pagka- Presidente daghang kaayo ang nahitabong demolisyon, midaghang ang walay trabaho, wala niya taga-i pagtagad ang problema sa mga mamumu-o ang kotraktuwalisyon, sigi ug mahal ang presyo petrolyo ilabi na sa pinakabatakan nga panginahanglan nga mao ang bugas, mahal kaayo ang bayranan sa tubig ug koryente, ug anaa pa ang pagtaas sa Tuition og ubang Miscellaneous fees.

Nagpadayon ang masaker sa kinaiyahan pinaagi sa padayon na operasyon sa dagkong Mining Company sa nasud, kani bisan sa grabe nang kalamidad na nasinati sa nasud.

Ug kita dinhi sa Iligan, dili himulag sa mga kalisud na nasinate. Gani, dili lang dugay ang hinimong krises sa kuryente para ipasulod ang interest sa mga negosyanting buot pagdumalahan ang industriya sa kuryente. Gisundan kini sa pagbaligya sa atong IDPPs na mao untay mo tubag sa maong pangihanglanon, kani tungod ke ulipon man ang kaniadtong administrasyon sa national na programa,ang PPP(Public Private Partnership). Og gisundan kini sa grabe na pagtaas sa presyo sa atong kuryente, gani mipabor man si PNoy sa mga kapitalista niadtong nahitabong Power Summit sa Davao.

Unsaon nalang ang mga biktima ni Sendong na halos wala pa gani narelokar ang halos 70%, ang kadtong narelokar na ang kamahal sa balayronon sa kuryente ang ilang masugatan. Dugang pa ang kawad-on sa panginabuhian, kamahal sa mga pamaliton, ug ang edukasyon.

Dili makab-ot ang kalambu-an natong mga kabus kung dili ta magkahi-usa, busa uban ta pag-usab sa nagatunhay nga sistema, uban ta sa pagbungkag sa Public-Private Partnership tungod kay dugang pasakit lang kini sa katawhan.

Propaganda Desk

LIHUK-Iligan

July 22, 2013